Gerrard ætlar ekki að hætta í enska landsliðinu eftir EM í sumar

Steven Gerrard, fyrirliði Liverpool og enska landsliðsins, er ekki að fara að spila sína síðustu landsleiki á EM í sumar. Gerrard er bara 31 árs gamall en hefur verið afar óheppin með meiðsli síðustu tvö tímabil. Gerrard hefur nú sett stefnuna á að spila einnig á HM í Brasilíu 2016.

„Ég get svo sem skilið að fólk sé farið að spyrja mig hvort ég ætli að hætta í landsliðinu og einbeita mér að Liverpool en ég er ekki á því. Ég tel mig ekki þurfa að taka neina ákvörðun strax því ég elska að spila fyrir England og ég elska að spila fyrir Liverpool," sagði Steven Gerrard.

„Ég þarf fyrst og fremst að sanna mig fyrir þjálfaranum á þessu móti og þá vitum við meira um hvort að hann vilji velja mig áfram. Ef að ég stend mig í þessu móti og þjálfarinn er tilbúinn að passa upp á álagið á mér þá er ég viss um að ég gefi áfram kost á mér," sagði Gerrard.

„Ef þjálfarinn segir mér að hann vilji hafa mig á HM í Brasilíu þá væri það fín gulrót fyrir mig. HM 2016 væri gott mót fyrir mig til að kveðja landsliðið. Skrokkurinn á mér hefur ekki verið betri í mörg ár og nárameiðslin heyra sögunni til," sagði Steven Gerrard.