Liverpool búið að ná samkomulagi við Swansea

Liverpool er búið að ná samkomulagi við Swansea um bætur vegna knattspyrnustjórans Brendan Rodgers. Það stendur því lítið í vegi fyrir því að hann geti tekið við Liverpool-liðinu.

Samkvæmt heimildum Sky Sports þá mun Rodgers skrifa undir þriggja ára samning við Liverpool. Það verður að öllum líkindum gert á morgun.

Ráðningin á Rodgers kemur mörgum á óvart enda sagði hann fyrir nokkrum dögum að það kæmi ekki til greina að taka við Liverpool. Hann hefði ekki áhuga á því.

Eitthvað hefur klárlega breyst siðan þá.