Villa of lítið félag fyrir Martinez

Dave Whelan, stjórnarformaður Wigan, er hæstánægður með að stjórinn, Roberto Martinez, skuli ekki hafa farið til Liverpool eða Aston Villa. Hann verður að öllum líkindum áfram með Wigan.

Martinez var í viðræðum við Liverpool og sagðist síðan ekki hafa áhuga á Villa sem er í viðræðum við Paul Lambert.

"Roberto verður áfram hjá okkur og ég er himinlifandi með það. Honum var aldrei boðið starfið hjá Liverpool þar sem hann var ekki ánægður með hvernig starfið var kynnt fyrir honum," sagði Whelan.

"Hann hefur rætt við Villa en hann fer ekki þangað. Villa er ekki nógu stórt félag fyrir hann."