Wenger vill ólmur halda Van Persie

Arsene Wenger, stjóri Arsenal, segist vera reiðubúinn að gera hvað sem er til að halda Robin van Persie hjá félaginu.

Þetta sagði hann í pistli sem hann ritaði á heimasíðu Eurosport þar sem hann hefur starfað sem álitsgjafi.

„Við viljum halda Rovin van Persie sama hvað það kostar," sagði hann. „Vegna þess að við stólum á hann í okkar sóknarleik."

„Ég hef alltaf stutt hann, jafnvel á erfiðum timum, og ég vona að hann ætli sér að ljúka ferlinum hjá Arsenal."

Arsenal hefur þegar fengið þá Olivier Giroud og Lukas Podolski til félagsins en enn er óvíst hvað verður um Van Persie. Hann á ár eftir af samningi sínum og hefur enn ekki skrifað undir nýjan samning.