Rodgers viss um að Suarez verði áfram á Anfield

Luis Suarez hefur síðustu daga verið orðaður við Juventus á Ítalíu en nýráðinn knattspyrnustjóri liðsins, Brendan Rodgers, er þess fullviss um að framherjinn verði áfram í röðum Liverpool.

Suarez er samningsbundinn Liverpool til 2016 en það gekk á ýmsu hjá honum síðastliðið tímabil og var hann til að mynda dæmdur í átta leikja bann fyrir að vera með kynþáttaníð í garð Patrice Evra, leikmann Manchester United.

„Ég átti frábært spjall við Luis," sagði Rodgers. „Hann hlakkar mikið til að takast á við nýtt tímabil með okkur."

Rodgers sagði einnig að það væri áhugi félagsins að bjóða Suarez nýjan og betri samning. „Við vonumst til að það takist."

Líklegt er að Suarez missi af undirbúningstímabilinu með Liverpool þar sem hann muni spila með landsliði sínu á Ólympíuleikunum í Lundúnum í sumar.