Lampard vill ljúka ferlinum hjá Chelsea

Frank Lampard hefur áhuga á því að ljúka ferlinu með enska úrvalsdeildarliðinu Chelsea. Lampard, sem er 34 ára gamall, er samningsbundinn félaginu út næstu leiktíð en hann verður með enska landsliðinu í kvöld í vináttulandsleik gegn Ítalíu.

Lampard missti af Evrópumeistaramótinu í sumar vegna meiðsla en hann er ekki viss um framtíð sína hjá Chelsea. „Ég ræddi við félagið einu sinni um samningsmálin á síðustu leiktíð, og það átti eitthvað að gerast í framhaldinu en það gerðist ekkert. Ég vil setjast niður að ræða málin en það er undir félaginu komið hvað verður. Ég vil ljúka ferlinum með Chelsea og ég tel mig eiga nokkur góð ár eftir.

Ég veit ekki hvort þeir sem stýra félaginu séu sammála mér. Hér áður fyrr var byrjað að ræða við mig um nýjan samning þremur árum áður en samningurinn rann út. Ég veit að staðan breytist eftir að maður verður þrítugur, það er eðlilegt og ég skil það vel," sagði Lampard í gær við fréttamenn.