Ferguson: Vil óska City til hamingju með titilinn

Sir Alex Ferguson var að vonum mjög vonsvikinn eftir leiki dagsins þegar Manchester City tryggði sér enska meistaratitilinn á sögulegan hátt.

Manchester City skoraði tvö mörk í uppbótartíma gegn QPR og tryggði sér því titilinn.

„Það bjóst enginn við því að leikirnir myndu þróast svona. Það búast auðvita allir við því að Manchester City vinni tíu QPR menn en það mátti ekki tæpara standa."

„Ég vill óska Manchester City til hamingju með titilinn, allir sem enda á toppnum eiga það fyllilega skilið og það enginn undantekning á því núna."

„Mínir leikmenn eru eðlilega niðurlútir núna og það er erfitt að takast á við svona hluti. Ég var virkilega ánægður með leik minna mann í dag og tímabilið í heild sinni en að ná í 89 stig er mjög gott."