Paul Pogba mættur til Tórínó

Paul Pogba, miðjumaður Manchester United, er mættur Tórínó og bendir flest til þess að hann gangi frá samningi við Juventus.

Hinn 19 ára Pogba hafnaði á dögunum nýju samningsboði hjá Manchester United og stefnir allt í að hann verði nýjasti leikmaður Ítalíumeistaranna.

„Ég þarf að huga að framtíð minni. Ég er á Ítalíu hjá Juventus til þess að ræða félagaskipti mín," sagði Pogba á Twitter-síðu sinni í morgun.

Pogba gekk til liðs við United frá Le Havre árið 2009. Hann kom aðeins við sögu í þremur leikjum liðsins á síðasta tímabili.

Þrálátur orðrómur hefur verið undanfarnar vikur um skipti hans til Juventus.