Lucas óttaðiast um ferilinn eftir hnémeiðslin

Brasilíumaðurinn Lucas hjá Liverpool óttaðist um tíma að hann gæti aldrei labbað á ný eftir alvarleg hnémeiðsli á síðsutu leiktíð.

Lucas meiddist í nóvember síðastliðnum þegar hann sleit krossband í hné. Hann missti af tímabilinu og var farinn að óttast um ferilinn sinn.

„Fram að þessu hafði ég aldrei verið lengi frá vegna meiðsla. Það er því hægt að ímynda sér hvað fimm mánuðir án þess að spila gera mér," sagði hann.

„Erfiðast var þegar ég var á hækjum í tvo mánuði, sérstklega fyrstu fjórar vikurnar eftir aðgerðina þegar hnéð var enn mjög bólgið. Í nokkur augnablik óttaðist ég jafnvel að ég gæti labbað aftur óstuddur, hvað þá spilað knattspyrnu."

„En ég fann mun á mér um leið og ég byrjaði í endurhæfingu og var ótrúlegt að sjá hvernig líkaminn tók við sér."

Honum segist líða vel og sé vongóður um að hann verði kominn aftur í sitt besta form áður en nýtt tímabil hefst í ágúst.