City fór rétt að í máli Tevez

Khaldoon al-Mubarak, stjórnarformaður Manchester City, segir að félagið hafi brugðist rétt við í málefni Carlos Tevez á síðust leiktíð.

Eins og margfrægt er þá setti félagið Tevez í bann fyrir að neita að koma inn á sem varamaður í leik gegn Bayern München í Meistaradeild Evrópu. Það tók marga mánuði að greiða úr flækjunni en á endanum sneri Tevez til baka og spilaði síðustu leiki tímabilsins.

„Þetta mál var prófsteinn fyrir okkur. Við gátum ekki leyft að það yrði farið svona með okkur," er haft eftir honum í nýrri bók sem er komin út um City og nefnist Richer than God.

„Það var mikil áhætta fyrir mig að leyfa honum ekki að fara til AC Milan þegar það stóð til boða í janúar. Það voru góðar líkur á því að hann hefði misst af öllu tímabilinu og fallið þar með mikið í verði."

„En ég stóð fastur á okkar vegna þess að ég vil ekki að við verðum ekki misnotaðir, bara vegna þess að við erum ríkir. Ég ætlaði ekki að gefa honum það sem hann vildi og láta svo markaðinn fara illa með okkur."