Ferguson: Enn mikil óvissa um Fletcher

Sir Alex Ferguson, stjóri Manchester United, viðurkennir að enn sé óvíst hvenær Darren Fletcher geti byrjað að spila með liðinu á nýjan leik.

Fletcher hefur ekkert spilað síðan í nóvember á síðasta ári þar sem hann er að glíma við sáraristilbólgu.

Ferguson er ekki viss um hvort að Fletcher muni nokkru sinni ná fullri heilsu á nýjan leik. „Við verðum að bíða og sjá til en drengurinn er að leggja mjög hart að sér til að ná fyrri styrk," sagði Ferguson.

„Það verður ekki auðvelt en við munum styðja hann eins lengi og þarf. Darren er frábær drengur og við vonum öll að hann geti snúið til baka."

Fletcher tók að sér þjálfunarstörf hjá United á síðari hluta tímabilsins síðasta.