Roy Hodgson, nýr landsliðsþjálfari Englendinga, tilkynnti það á blaðamannafundi á Wembley í dag að Liverpool-maðurinn Steven Gerrard verði fyrirliði enska landsliðsins á EM í Póllandi og Úkraínu í sumar.
Hodgson sagði frá því á blaðamannafundinum að hann hafi hringt í Gerrard í gær og tilkynnt honum að hann yrði fyrirliði liðsins. Gerrard var mjög kátur að sögn Hodgson en þeir unnu áður saman hjá Liverpool.
Fyrirliðabandið var tekið af John Terry í febrúar vegna ásakanna um kynþáttafordóma, Hodgson valdi ekki Rio Ferdinand í EN-hópinn og Scott Parker verður ekki fyrirliði liðsins þótt að hann hafi borið fyrirliðabandið í vináttlandsleik á móti Hollandi.
Gerrard var einnig fyrirliði enska landsliðsins á HM í Suður-Afríku en fékk þá aðeins bandið þar sem að Rio Ferdinand var meiddur og Terry hafði misst það vegna vandamála utan vallar.
Steven Gerrard verður fyrirliði enska landsliðsins
