Damiao verður ekki ódýr

Forseti Internacional, Giovanni Luigi, segir að það muni þurfa risatilboð til þess að Leandro Damiao verði seldur frá félaginu.

Tottenham er á meðal þeirra félaga sem hafa mikinn áhuga á leikmanninum sem sló rækilega í gegn á ÓL en hann varð markahæsti leikmaður leikanna með sex mörk.

"Það hafa aðeins umboðsmenn verið að koma í heimsókn og hér er enginn fulltrúi frá Tottenham. Við viljum halda leikmanninum og það mun þurfa mjög sérstakt tilboð í leikmanninn til þess að við íhugum að selja," sagði Luigi.