Joe Cole aftur til Liverpool

Joe Cole mun spila með Liverpool á næstu leiktíð en Englendingurinn var í láni hjá Lille í Frakklandi á síðustu leiktíð. Cole þekkir vel til nýja knattspyrnustjórans Brendan Rodgers sem var í þjálfarateymi Jose Mourinho er Cole spilaði hjá Chelsea.

„Nýja þjálfarateymið hefur ákveðið að halda honum. Við eigum mjög góðar minningar af leikmanninum en ekki síður persónuleika hans," segir Rudi Garcia knattspyrnustjóri Lille.

Roy Hodgson, núverandi landsliðsþjálfari Englands, fékk Cole til Liverpool á frjálsri sölu frá Chelsea haustið 2010. Honum tókst hins vegar ekki að slá í gegn og var lánaður til Lille þegar Kenny Dalglish sneri aftur sem stjóri Liverpool.