Frasier væntanlegur á völlinn hjá Ebbsfleet

Það verður væntanlega óvenju góðmennt á leik hjá utandeildarliðinu Ebbsfleet United um helgina. Stórleikarinn Kelsey Grammer, sem er hvað þekktastur fyrir að leika sálfræðinginn Frasier Crane, verður væntanlega á svæðinu.

Ebbsfleet á leik gegn Carlisle í fyrstu umferð ensku bikarkeppninnar en með liðinu leikur mágur Grammer. Grammer verður einmitt á Englandi þar sem útför fer fram í fjölskyldunni.

Mágur Grammer segir að leikarinn sé mikill knattspyrnuáhugamaður þó svo hann hafi mestan áhuga á hafnabolta.