Villas-Boas kynntur sem stjóri Tottenham á mánudag - Gylfi fyrstu kaupin?

Enskir fréttamiðlar segja frá að André Villas-Boas verði kynntur sem nýr stjóri Tottenham á mánudaginn og að fyrstu kaup hans verði íslenski landsliðsmaðurinn Gylfi Þór Sigurðsson. Villas-Boas og forráðamenn Tottenham munu ganga frá þriggja ára samningi um helgina.

Villas-Boas samþykkti að taka við Tottenham-liðinu fyrr í þessari viku en það er ekki hægt að ganga frá samningnum fyrr en 1. júlí vegna lagalegra ástæðna.

Villas-Boas var í fyrstu annar á óskalistanum hjá Spurs á eftir Frakkanum Laurent Blanc en Portúgalinn heillaði stjórnarformanninn Daniel Levy upp úr skónum á fundum þeirra í júní.

Villas-Boas vill fá þá Gylfi Þór Sigurðsson og Jan Vertonghen til Tottenham og það er búist við því að Gylfi verði orðinn leikmaður Tottenham á mánudaginn. Gylfi á eftir að fara í gegnum læknisskoðun og ganga frá persónulegum kjörum sínum,

Tottenham hefur náð samkomulagi um að kaupa Gylfa á 8 milljónir punda frá þýska félaginu Hoffenheim en félagið hafði betur í baráttunni við Liverpool og Swansea.