Dalglish farinn til Boston að ræða við eigendur Liverpool

Eigendur Liverpool eru ekkert á því að koma til Englands til þess að ræða við Kenny Dalglish, stjóra Liverpool, um framtíð hans hjá félaginu.

Eigendurnir borguðu bara flugsæti undir Dalglish og aðstoðarmann hans, Steve Clarke, og verður fundað í Boston þar sem eigandinn, John W. Henry, á heima.

Liverpool hafnaði í áttunda sæti ensku úrvalsdeildarinnar, einu sæti á eftir Everton, og var heilum 37 stigum frá Manchester-liðunum.

Framtíð Dalglish er ekki trygg hjá félaginu og það ætti að skýrast fljótlega hvort hann fær að halda áfram eða hvort Liverpool fer í enn eina stjóraleitina.