Ef Modric fer kemur bara annar í sama gæðaflokki

Hinn bandaríski markvörður Tottenham, Brad Friedel, hefur ekki miklar áhyggjur að þð verði erfitt að fylla skarð Luka Modric fari svo að hann yfirgefi Spurs.

Ansi margt bendir til þess að Modric fari frá Lundúnafélaginu áður en næsta tímabil byrjar og Real Madrid er sagður vera líklegur áfangastaður.

"Ef Modric fer þá veit ég að stjórnarformaðurinn verður tilbúinn með annan leikmann. Félagið hefur slíkan metnað að það leyfir ekki mönnum að fara nema það sé tilbúið með annan mann," sagði Friedel silkislakur.

Það er einnig að frétta af Spurs er á góðri leið með að landa framherjanum Emmanuel Adebayor sem var í láni hjá félaginu á síðasta tímabili.