Gylfi skoraði í sínum fyrsta leik með Tottenham | Myndband

Gylfi Þór Sigurðsson skoraði í sínum fyrsta leik með enska úrvalsdeildarfélaginu Tottenham Hotspur í kvöld. Tottenham mætti C-deildarliðinu Stevenage á útivelli og hafði að lokum 2-0 sigur.

Gylfi Þór byrjaði á bekknum en kom inn á í hálfleik og var ekki lengi að láta til sín taka. Hann fékk sendingu frá vinstri frá Andros Townsend. Gylfi sneri af sér varnarmann í vítateig heimamanna og lagði boltann í fjærhornið með vinstri fæti.

Allt benti til þess að mark Gylfa yrði sigurmarkið í leiknum en Yago Falque skoraði í blálokin og tryggði Lundúnarliðinu 2-0 sigur.

Auk Gylfa leikur Belginn Jan Vertonghen sinn fyrsta leik fyrir félagið í kvöld.

Mark Gylfa má sjá í spilaranum hér fyrir ofan.