Pearce búinn að velja Ólympíuhópinn

Stuart Pearce, þjálfari breska knattspyrnulandsliðsins, hefur valið þá átján leikmenn sem munu keppa með liðinu á Ólympíuleikunum í sumar.

Pearce valdi þrettán Englendinga í liðið og fimm leikmenn frá Wales. Enginn leikmaður frá Norður-Írlandi eða Skotlandi hlaut náð fyrir augum hans.

Aðeins leikmenn 23 ára og yngri koma til greina en þó má velja þrjá eldri leikmenn í hópinn. Pearce tilkynnti í síðustu viku að þeir Ryan Giggs, Craig Bellamy og Micah Richards hefðu orðið fyrir valinu - sem þýddi að David Beckham sat eftir í kuldanum.

Swansea á flesta leikmenn í hópnum eða þrjá talsins - þá Scott Sinclair, Joe Allen og Neil Taylor. Daniel Sturridge hjá Chelsea var valinn, sem og þeir Aaron Ramsay hjá Arsenal og Tom Cleverley hjá Manchester United.

Hópurinn er þannig skipaður:

Markverðir: Jack Butland (Birmingham), Jason Steele (Middlesbrough).

Varnarmenn: Ryan Bertrand (Chelsea), Steven Caulker (Tottenham), Craig Dawson (West Brom), Micah Richards (Manchester City), Neil Taylor (Swansea), James Tomkins (West Ham).

Miðvallarleikmenn: Joe Allen (Swansea), Tom Cleverley (Manchester United), Jack Cork (Southampton), Ryan Giggs (Manchester United), Aaron Ramsey (Arsenal), Danny Rose (Tottenham), Scott Sinclair (Swansea).

Sóknarmenn: Craig Bellamy (Liverpool), Marvin Sordell (Bolton), Daniel Sturridge (Chelsea).