Skrtel vill funda með Rodgers

Slóvakíski varnarmaðurinn hjá Liverpool, Martin Skrtel, vill fá að vita hvaða rullu nýi stjórinn hjá Liverpool, Brendan Rodgers, ætlar að láta hann leika áður en hann ræðir nýjan samning hjá félaginu.

Skrtel á tvö ár eftir af samningi sínum við Liverpool og hann væri ekki í vandræðum með að finna sér nýtt félag ef Rodgers vill ekki nota hann.

Man. City er sagt hafa mikinn áhuga sem og hið moldríka rússneska félag, Anzhi Makhachkala.

Skrtel hefur því farið fram á fund með Rodgers áður en hann sest að samningaborðinu á nýjan leik með forráðamönnum félagsins.