Andy Carroll lánaður til West Ham

Andy Carroll var í kvöld lánaður til West Ham til loka tímabilsins. Síðarnefnda félagið á svo möguleika á að kaupa kappann fyrir ótilgreinda upphæð að tímabilinu loknu.

Þetta var staðfest í kvöld. Carroll kom til Liverpool frá Newcastle fyrir 35 milljónir punda í fyrra en átti erfitt með að standa undir þeim væntingum sem gerðar voru til hans.

„Það er frábært að vera kominn hingað til West Ham. Ég vil bara fá að byrja. Ég vil spila leiki og vonandi skora einhver mörk," sagði Carroll í kvöld.

Carroll lék áður undir stjórn Sam Allardyce þegar sá síðarnefndi var stjóri Newcastle.