Maður skotinn til bana í Osló

Þrjátíu og eins árs karlmaður var skotinn til bana fyrir utan bensínstöð við Ensjø-lestarstöðina í Osló í kvöld. Samkvæmt fréttavef norska ríkisútvarpsins var viðbúnaður lögreglu mikill á svæðinu en fórnarlambið lést af sárum sínum á sjúkrahúsi.

Sjónvarvottar lýsa því að þeir hafi heyrt nokkur skothljóð upp úr klukkan hálf ellefu, að staðartíma, í kvöld. Árásarmaðurinn, eða mennirnir, flúðu af vettvangi og leitar lögregla að gráum bíl sem sást keyra frá bensínstöðinni. Lögreglan leitar að sökudólgunum bæði úr lofti, með þyrlu, sem og úr lögreglubílum.