Suarez: Þeir púa bara af því að þeir óttast leikmann eins og mig

Luis Suarez getur nú farið að einbeita sér að komandi tímabili með Liverpool eftir að Úrúgvæ sat eftir í riðlakeppninni á Ólympíuleikunum í London.

Suarez var allt annað en sáttur með móttökurnar sem hann fékk á Millennium Stadium í Cardiff í gær þegar Úrúgvæ tapaði 0-1 fyrir Bretland í lokaleik sínum í riðlinum. Bretar og Slóvenar komust áfram í átta liða úrslit en stjörnuprýtt lið Úrúgvæ sat eftir.

„Ég get tekið þessum svívirðingum og þær skipta mig ekki máli. Það var aftur á móti algjört virðingaleysi hjá áhórfendunum að púa þegar við vorum að reyna að syngja þjóðsönginn okkar," sagði Luis Suarez eftir leikinn.

„Ég er sár og svekktur af því að við töpuðum og erum á leiðinni heim," sagði Suarez. Áhorfendur púuðu á meðan þjóðsöngur Úrúgvæ var spilaður en aðeins þegar andlit hans birtist á stóra skjánum á vellinum.

„Þeir púa bara af því að þeir eru hræddir við leikmenn eins og mig. Þeir óttast mig en þetta baul hefur engin áhrif á mig," sagði Suarez en hann náði ekki að skora í þremur leikjum Úrúgvæmanna á leikunum í London.