Rís raunverulegur Júragarður í Ástralíu?

Orðrómur er nú á kreiki um að umdeildur auðmaður frá Ástralíu muni brátt leggjast í framkvæmdir á raunverulegum Júragarði. Talið er vísindamenn sem komu að klónun kindarinnar Dolly vinni að verkefninu.

Clive Parker einn ríkasti maður Ástralíu. Hann efnaðist mjög á námugröfti en hann rekur meðal annars siglingafyrirtækið Blue Star Line.

Parker hefur ekki viljað tjá sig um orðróminn en talsmaður hans hefur boðað til blaðamannafundar á morgun vegna málsins.

Auðkýfingurinn keypti nýverið stórt land við Coolum dvalarstaðinn í Ástralíu. Fregnir herma að risavaxið parísarhjól verði reist á svæðinu ásamt hótelum.

Enn sem komið er hefur ekkert sést af gram- eða snareðlum á svæðinu.

Parker er augljóslega mikill áhugamaður um kvikmyndir. Fyrir nokkrum mánuðum tilkynnti hann að fyrirtæki sitt væri að hefja smíði á nákvæmri eftirmynd Titanic farþegaskipsins.

Það eru kínverskir undirverktakar sem sjá um smíðina. Blessunarlega hafa þeir þó uppfært björgunarbúnað um borð.