Manchester United gerir risa treyjusamning

Manchester United mun fá 559 milljónir dollara fyrir nýjan treyjusamning sinn en liðið samdi á dögunum við bílaframleiðandann General Motors.

Bílategundin Chevrolet, sem er í eigu General Motors, verður framan á búning liðsins en breytingin mun eiga sér stað eftir tvö ár, eða í upphafi tímabilsins 2014-15. Tryggingarfélagið Aon hefur verið framan á búning liðsins frá árinu 2009.

Manchester United er talið fá um 70 milljónir dollara á fyrsta ári samningsins en liðið segir greiðsluna vegna samningsins muni koma til með að aukast með ári hverju um 2,1% á meðan samningnum stendur, en hann gildir út tímabilið 2020-21.