Chevrolet framan á treyju United

Enska úrvalsdeildarfélagið Manchester United tilkynnti í dag að félagið hefði gert auglýsingasamning við General Motors.

Samkvæmt samningnum, sem tekur gildi frá og með keppnistímabilinu 2014-2015, mun Chevrolet vera framan á búningum enska félagsins. Bílategundin tekur því við af tryggingafyrirtækinu Aon hefur verið framan á búningi félagsins frá tímabilinu 2010-2011.

Fréttastofan Reuters greinir frá því að General Motors greiði United 60-70 milljónir dollara eða á milli 7,2-8,5 milljarðar íslenskra króna á ári.

Auk þess greiðir GM United 100 milljónir dollara upphafsgreiðslu eða sem nemur um tólf milljörðum íslenskra króna.

Heilt yfir greiðir GM tvöfalt meira en Aon er gert að greiða í núverandi auglýsingasamningi.

Chevrolet verður fimmta vörumerkið sem verið hefur framan á treyju United í 134 ára sögu þess. Áður höfðu Sharp, Vodafone og AIG notið þess heiðurs. Virði samningsins við General Motors hefur ekki verið gefið upp.