Aftur meiðist Smalling | Missir af upphafi tímabilsins

Chris Smalling, varnarmaður Manchester United, verður frá knattspyrnuiðkun næstu tíu vikurnar. Kappinn gekkst undir uppskurð vegna meiðsla á fæti en Smalling missti af síðustu vikum liðins tímabils vegna nárameiðsla.

Smalling fór ekki með liði United í æfingaferðalag en liðið lék æfingaleik gegn Ajax Cape Town í Suður Afríku í gær. Engu að síður var reiknað með því að Smalling yrði klár í slaginn fyrir tímabilið sem hefst 20. ágúst. Hann meiddist hins vegar á æfingu á miðvikudag og þurfti að gangast undir uppskurð.

„Þetta er mikið áfall fyrir strákinn. Hann er aðeins 22 ára og ungur að árum. Vonandi kemst hann yfir þetta," segir Sir Alex Ferguson við breska fjölmiðla.

United mætir Everton í fyrsta leik tímabilsins 20. ágúst en aldrei þessu vant verður United ekki annað liðanna sem leikur um Samfélagsskjölinn viku fyrr. Þar mætast Manchester City og Chelsea.