Man Utd færist nær því að semja við Lucas Moura

Sir Alex Ferguson, knattspyrnustjóri Manchester United, segir að félagið sé ekki langt frá því að ganga frá samningum við Lucas Moura. Brasilíski miðjumaðurinn er aðeins 19 ára gamall og hefur hann leikið með Sao Paulo í heimalandinu og hefur félagið hafnað 27 milljón punda tilboði frá Man Utd – eða sem nemur 5,2 milljarða kr.

Ferguson er á keppnisferðalagi með Man Utd í Suður-Afríku og sagði hann við fréttamenn að ekkert væri frágengið með kaupin á Moura. „Við höfum sýnt leikmanninum áhuga en á meðen ekki er búið að skrifa undir samning við hann þá getum við ekki sagt að hann sé leikmaður liðsins," sagði Ferguson en hann er búinn að semja við Shinji Kagawa og Nick] Powell.

Á þessari stundu erum við að skoða ýmsa leikmenn, við erum að vinna af krafti til þess að styrkja liðið," bætti Ferguson við.

Moura verður á meðal leikmanna landsliðs Brasilíu sem tekur þátt í knattspyrnukeppninni á Ólympíuleikunum.