Brynjar Björn ætlar sér að komast í 25 manna leikmannahóp Reading

Sky Sports skrifaði um íslenska miðjumanninn Brynjar Björn Gunnarsson á vefsíðu sinni í dag. Þar kemur fram að Brynjar ætti að fá að vita það fljótlega hvort hann sé inn í myndinni hjá stjóranaum Brian McDermott nú þegar Reading er komið upp í ensku úrvalsdeildina.

Brynjar Björn kláraði UEFA B þjálfaraprófið í sumar og það bendir allt til þess að hann fá starf í þjálfarateymi Reading í framtíðinni. Þessi 36 ára leikmaður er samt ekki búinn að gefa upp vonina um að fá að spila með liðinu í ensku úrvalsdeildinni á komandi tímabili.

„Aðalatriðið hjá mér er að komast í liðið og vonandi get ég hjálpað til á einhvern hátt. Ég er samt ekkert að stressa mig yfir þessu og við verðum bara að sjá hvernig málin þróast á næstu vikum. Ég fæ þetta vonandi fljótlega á hreint sem fyrst. Ég vil komast í 25 manna hópinn og vera hluti af liðinu en ég fæ væntanlega að taka þátt í þjálfuninni líka," sagði Brynjar Björn við Sky Sports.

Brynjar Björn hefur spilað með Reading frá árinu 2005 og lék yfir 20 leiki á hvoru tímabili þegar félagið var síðast í ensku úrvalsdeildinni 2006 til 2008. Hann hefur verið í Englandi undanfarin tólf ár.