Wilshere áminntur af UEFA

Jack Wilshere, miðjumaður Arsenal í ensku úrvalsdeildinni í knattspyrnu, hefur verið áminntur af Evrópska knattspyrnusambandinu (UEFA).

Wilshere skrifaði á Twitter-síðu sína í desember síðastliðnum að liðsfélagi sinn, Emanuel Frimpong, væri góður kostur til að veðja á sem fyrsta markaskorara í Meistaradeildarleik Arsenal og Olympiakos.

Wilshere, sem var frá keppni stærstan hluta síðasta tímabils vegna ökklameiðsla, skrifaði svo eftir að Frimpong klúðraði færi í leiknum:

„Frimmy aflaði mér næstum því peninga þarna."

Wilshere hélt síðar fram að hann hefði verið að grínast.

„Ég veðjaði ekki í alvöru á leikinn. Ég er meðvitaður um að það megum við ekki gera. Ég var bara að grínast svo það komi skýrt fram."

Reglur UEFA meina leikmönnum að veðja á leiki þar sem félög þeirra eiga í hlut.