Spurs og City komast að samkomulagi um kaupverð á Adebayor

Enska úrvalsdeildarfélagið Tottenham Hotspur hefur komist að samkomulagi við Englandsmeistara Manchester City um kaupverðið á framherjanum Emmanuel Adebayor. Breskir fjölmiðlar greina frá þessu í dag.

Adeabayor var í láni hjá Lundúnarliðinu á síðustu leiktíð og skoraði 17 mörk en Tottenham hafnaði í fjórða sæti deildarinnar.

Tógómaðurinn 28 ára verður þriðji leikmaðurinn sem André Villas-Boas, nýr knattspyrnustjóri Tottenham, fær til liðs við sig. Áður höfðu Gylfi Þór Sigurðsson og Belginn Jan Vertonghen gengið frá samningum við félagið.

Reiknað er með því gengið verði frá samningnum um helgina.