Fabricio Coloccini, fyrirliði enska knattspyrnuliðsins Newcastle, vill meina að síðasta tímabil hafi ekki verið heppni og félagið verði aftur í baráttu um Evrópusæti í ár.
Newcastle kom á óvart með frábærri frammistöðu á síðasta tímabili og höfnuðu í fimmta sæti deildarinnar. Hver leikmaðurinn á fætur öðrum urðu að stórstjörnum og menn virtust blómstra undir stjórn Alan Pardew, knattspyrnustjóra Newcastle.
Í ár verður pressan mun meiri á liðinu og mikil til ætlast af klúbbnum, það er því spurning hvort lærisveinar Pardew nái að standast álagið.
„Ég hlusta ekki á hvað blöðin eru að skrifa þessa daganna, við vorum ekkert að spila yfir getu á síðasta tímabili. Þessi hópur verður áfram í baráttunni um Evrópusæti."
„Við höfum mikið sjálfstraust og teljum að liðið geti jafnvel bætt sig á komandi tímabili. Newcastle er einn af stóru klúbbunum og á að berjast um efstu sætin."
„Leikmenn liðsins finna alls ekki fyrir aukinni pressu og eru einfaldlega að undirbúa sig af krafti fyrir átökin."
„Við verðum í baráttu um laust sæti í Meistaradeild Evrópu en þar eru fleiri lið líkt og Manchester City, Man United, Tottenham, Arsenal,Chelsea og Liverpool."
„Ég býst fastlega við því að við eigum eftir að styrkja hópinn enn betur í sumar og verðum tilbúnir í slaginn."
Coloccini: Síðasta tímabil var enginn heppni
