Caulker fékk nýjan samning

Steven Caulker skrifaði í dag undir nýjan fjögurra ára samning við enska úrvalsdeildarfélagið Tottenham og verður því áfram liðsfélagi Gylfa Þór Sigurðssonar.

Gylfi og Caulker voru báðir lánsmenn hjá Swansea á síðustu leiktíð en Gylfi gekk í gær til liðs við Tottenham og skrifaði þá undir fimm ára samning.

Caulker hefur verið á mála hjá Tottenham allan sinn feril en hann var áður í láni hjá Yeovil og Bristol City áður en hann var lánaður til Swansea síðstliðið sumar.

Hann var valinn í knattspyrnulið Breta fyrir Ólympúileikana og er greinilega í langtímaplönum Andre Villas-Boas, nýráðins knattspyrnustjóra Tottenham.

Caulker er tvítugur miðvörður.