De Guzman og Flores á leið til Swansea

Þeir Jonathan de Guzman og Chico Flores munu báðir vera á leið til Wales þar sem þeir munu ganga fara í viðræður við enska úrvalsdeildarfélagið Swansea.

Michael Laudrup, nýráðinn stjóri Swansea, þekkir þá báða vel enda léku þeir undir stjórn hans hjá Real Mallorca á sínum tíma.

De Guzman er sóknarmaður sem er á mála hjá Villareal en liðið féll óvænt úr spænsku úrvalsdeildinni í vor. Hann er fæddur í Kanada en á leiki að baki með yngri landsliðum Hollands.

Flores er varnarmaður og er honum ætlað að fylla skarð Steven Caulker sem sneri aftur til Tottenham eftir tímabilið en hann var lánsmaður hjá Swansea á síðustu leiktíð.