Ferguson: Ánægður að Drogba sé farinn

Sir Alex Ferguson, þjálfari Manchester United segir félagsskipti Didier Drogba úr Chelsea í kínverska liðið Shanghai Shenhua vera góðar fréttir fyrir sína menn.

„Ef þú horfir á tímabilið sem Drogba átti verður maður að segja að það sé mjög jákvætt fyrir okkur að hann sé farinn úr enska boltanum. Hann er stórkostlegur leikmaður og ótrúlega erfiður viðureignar," sagði Ferguson.

„Hann skoraði magnað mark á síðustu mínútunum í úrslitaleik Meistaradeildarinnar og hann virðist alltaf skora í mikilvægum leikjum. Hann er alltaf frábær í stóru leikjunum,"

„Í mínum huga vann hann Meistaradeildina fyrir Chelsea," sagði Ferguson í lokin.