Moyes hefur ekki heyrt frá Tottenham

David Moyes, stjóri Everton, er einn af þeim sem hafa verið orðaðir við stjórastöðuna hjá Tottenham. Spurs er enn í stjóraleit eftir að hafa rekið Harry Redknapp á d0gunum.

Andre Villas-Boas og Laurent Blanc hafa einnig verið orðaðir við starfið.

Moyes er þó ekki að velta sér mikið upp úr því enda hefur hann ekkert heyrt frá forráðamönnum Spurs.

"Ég hef ekki fengið neitt símtal þaðan og staðan er mjög einföld. Ég er stjóri Everton," sagði Moyes sem er staddur á EM að skoða leikmenn.

"Ég og stjórnarformaðurinn erum að vinna í málum á bak við tjöldin hérna."