Aquilani að íhuga framtíðina

Alberto Aquilani mun ákveða hvar hann ætli að spila á næstu leiktíð á allra næstu dögum, að sögn umboðsmanns hans.

Aquilani er samningsbundinn Liverpool og er ekki talið ólíklegt að Brendan Rodgers, nýráðinn stjóri liðsins, ætli sér að nota hann á næstu leiktíð.

Samningur hans við félagið rennur ekki út fyrr en árið 2014 en Aquilani spilaði sem lánsmaður hjá AC Milan á síðustu leiktíð.

„Við erum búnir að funda með þeim ensku en það hefur ekkert komið út úr því," sagði umboðsmaðurinn Franco Zacaglia við ítalska fjölmiðla. „Við eigum von á viðbrögðum frá Liverpool innan við vikulok."

Zavaglia sagði nákvæmmlega engar líkur á því að samningi Aquilani við Liverpool yrði sagt upp en hann var keyptur til félagsins fyrir 20 milljónir punda á sínum tíma.