Titilvörn Man. City hefst gegn Southampton

Búið er að gefa út leikjalista fyrir næsta tímabil í ensku úrvalsdeildinni. Meistarar Man. City byrja á því að spila gegn Southampton á heimavelli en Man. Utd spilar sinn fyrsta leik á útivelli gegn Everton. Deildin hefst þann 18. ágúst.

Liverpool byrjar á því að heimsækja WBA en fyrstu þrír heimaleikir Liverpool eru gegn Man. City, Arsenal og Man. Utd.

Arsenal fær Sunderland í heimsókn og Chelsea sækir Wigan heim.

Man. City á heimaleik gegn Norwich í lokaumferðinni á meðan Man. Utd sækir WBA heim. Chelsea á þá heimaleik gegn Everton á meðan Arsenal þarf að fara til Newcastle.