Blanc sagður vera efstur á óskalista Spurs

Tottenham er enn í stjóraleit og nú herma fregnir að franski landsliðsþjálfarinn, Laurent Blanc, sé efstur á óskalista félagsins.

Portúgalinn Andre Villas-Boas var sagður vera efstur á blaði í síðustu viku. Hann er á lausu og Blanc verður það einnig eftir EM.

Blanc er reyndar afar eftirsóttur eftir að hafa gert frábæra hluti með Bordeaux og síðan tókst honum hið ómögulega - að skapa sátt í franska landsliðinu og byggja upp nýtt lið.

Tottenham er sagt vera til í að fjórfalda laun þjálfarans sem mun klárlega geta valið úr tilboðum.