Tevez kemst ekki í argentínska landsliðið

Carlos Tevez, leikmaður Manchester City, er ekki nógu góður til að komast í argentínska landsliðið fyrir leik í undankeppni HM í næsta mánuði. Alejandro Sabella, þjálfari Argentínu, valdi Tevez ekki í hópinn sinn fyrir leik á móti Ekvador.

Carlos Tevez kom aftur inn í Manchester City á lokasprettinum og átti þátt í því að Manchester City tryggði sér enska meistaratitilinn. Liverpool-maðurinn Maxi Rodriguez var aftur á móti valinn í hópinn sem og liðsfélagar Tevez, Sergio Aguero og Pablo Zabaleta.

Lionel Messi, Javier Mascherano, Angel Di Maria, Ezequiel Lavezzi og Gonzalo Higuain eru líka að sjálfsögðu allir í hópnum hjá Sabella. Argentína mætir Ekvador 2. júní og spilar síðan vináttulandsleik við Brasilíu í Bandaríkjunum.

Landsliðshópurinn:

(Leikmenn sem spila í Argentínu eiga eftir að bætast við hópinn)

Markmenn: Sergio Romero (Sampdoria)

Varnarmenn: Federico Fernandez, Hugo Campagnaro (both Napoli), Marcos Rojo (Spartak Moscow), Ezequiel Garay (Benfica), Pablo Zabaleta (Manchester City)

Miðjumenn: Matias Rodriguez (Universidad de Chile), Jose Sosa (Metalist Kharkiv), Pablo Guinazu (Internacional), Angel Di Maria (Real Madrid), Fernando Gago (AS Roma), Javier Mascherano (Barcelona), Maxi Rodriguez (Liverpool), Eduardo Salvio (Atletico Madrid)

Sóknarmenn: Lionel Messi (Barcelona), Gonzalo Higuain (Real Madrid), Sergio Aguero (Manchester City), Ezequiel Lavezzi (Napoli).