Rooney verður ekki með í vináttuleiknum gegn Norðmönnum

Roy Hodgson, landsliðsþjálfari Englendinga, hefur staðfest það að Wayne Rooney mun ekki taka þátt í vináttulandsleik gegn Norðmönnum næstkomandi laugardag.

Rooney hefur verið að glíma við smávægileg meiðsli að undanförnu og því mun hann hvíla í leiknum.

Wanye Rooney var valinn í enska landsliðshópinn fyrir Evrópumótið í sumar þrátt fyrir að vera í leikbanni fyrstu tvo leiki riðilsins. Leikmaðurinn missir því af leikjunum gegn Frökkum og Svíum á Evrópumótinu sem haldið verður í Póllandi og Úkraínu.

„Rooney hefur verið að spila meiddur að undanförnu og þarf að fá hvíld," sagði Roy Hodgson.

„Hann mun ekki taka þátt í leiknum gegn Norðmönnum og ég hef ekki ákveðið mig hvort hann verði í liðinu gegn Belgum 2. júní."

„Hann vill sjálfur fara strax út á völl en við verðum að vera skynsamir og leyfa honum að jafna sig."