Phil Neville: Gary mun reynast enska landsliðinu vel

Knattspyrnumaðurinn Phil Neville telur að það sé frábært fyrir enska landsliðið að vera með Gary Neville í þjálarateymi Englands fyrir Evrópumótið í Póllandi og Úkraínu í sumar.

Roy Hodgson, nýráðinn landsliðsþjálfari Englands, tilkynnti á dögunum að Gary Neville yrði í þjálfarateymi landsliðsins í sumar. Eins og margir vita þá er Gary Neville fyrrum fyrirliði enska landsliðsins og Manchester United en þeir Phil og Gary Neville eru bræður.

„Ég veit alveg hvaða áhrif Gary mun hafa á hópinn, en hann hefur gríðarlega reynslu og getur miðlað henni til leikmanna," sagði Phil Neville.

„Það fyrsta sem ég hugsaði var hversu frábært útspil þetta væri frá Roy Hodgson. Það er ný kynslóð að koma upp í enska landsliðinu og Gary getur haft frábær áhrifa á strákana."

„Leikmenn bera mikla virðingu fyrir honum og hann þekkir leikinn inn og út."