Amalfitano sagður á leið til Newcastle

Samkvæmt enskum fjölmiðlum er Newcastle á góðri leið með að klófesta franska miðjumanninn Romain Amalfitano.

Amilfitano leikur með Stade de Reims í heimalandinu en samningur hans við félagið rennur út í sumar. Newcastle fengi hann því án greiðslu.

Tveir Frakkar voru í lykilhlutverki hjá Newcastle í vetur - þeir Yohan Cabaye og Hatem Ben Arfa. Newcastle endaði í fimmta sæti ensku úrvalsdeildarinnar og spilar í Evrópudeild UEFA á næstu leiktíð.

Stade Reims vann sér sæti í frönsku úrvalsdeildinni á nýliðinni leiktíð.