Hazard getur valið á milli þriggja félaga

Umboðsmaður Eden Hazard segir að viðræðum við Manchester United, Manchester City og Chelsea sé nú lokið og það eina sem vanti er ákvörðun frá Hazard sjálfum.

Hazard er á mála hjá Lille í Frakklandi og hefur hann átt í viðræðum við þessi þrjú félög um kaup og kjör, ákveði hann að fara til viðkomandi félags.

„viðræðum er lokið. Okkur hefur tekist að ná samkomulagi við alla aðila," sagði umboðsmaðurinn John Vico við enska dagblaðið Daily Telegraph.

„Eden hefur sagt að hann vijli ákveða sig fyrir 2. júní. Hann mun ákveða sig eftir vináttulandsleikina gegn Svartfjallalandi og Englandi," bætti hann við.

Hazard er 21 árs gamall og með eftirsóttustu miðjumönnum heims.