Kalou og Bosingwa á leið frá Chelsea

Samkvæmt enskum fréttamiðlum er búist við því að það verði tilkynnt að þeir Salomon Kalou og Jose Bosingwa muni báðir fara frá Chelsea nú í sumar.

Báðir voru þeir í byrjunarliði Chelsea í úrslitaleik Meistaradeildar Evrópu gegn Bayern München um helgina.

Á dögunum var tillkynnt að Didier Drogba væri á leið frá félaginu og þá er einnig talið mögulegt að þeir Michael Essien, Florent Malouda og Paulo Ferreira fari einnig annað í sumar.

Ron Gourlay, framkvæmdarstjóri félagsins, hefur viðurkennt í enskum fjölmiðlum að nokkrir leikmenn muni fara frá félaginu á næstunni og að unnið hafi verið að því að finna aðra í þeirra stað.

Eden Hazard, leikmaður Lille í Frakklandi, hefur verið orðaður við Chelsea en einnig bæði Manchester-félögin.

Kalou kom til Chelsea frá Feyneoord árið 2006 og Ferreira kom tveimur árum síðar frá Porto.