Cech framlengir við Chelsea

Tékkneski markvörðurinn Petr Cech er búinn að skrifa undir nýjan fjögurra ára samning við Chelsea og verður hjá félaginu til ársins 2016 hið minnsta.

Cech er orðinn þrítugur og hefur verið frá félaginu síðan árið 2004 er hann var keyptur á 7 milljónir punda frá franska félaginu Rennes. Hann er leikjahæsti útlendingurinn í sögu Chelsea.

"Ég er virkilega ánægður með að vera áfram hluti af þessu næstu fjögur árin. Vonandi verða þau jafn farsæl og síðustu átta ár hafa verið," sagði Cech.

Cech hefur haldið markinu hreinu 178 sinnum á ferli sínum hjá Chelsea.