Di Canio með kynþáttaníð í garð eigin leikmanns

Þar sem Paolo di Canio er þar eru læti. Það breytist ekkert. Di Canio er stjóri Swindon og hefur nú verið sakaður um kynþáttaníð í garð eigin leikmanns.

Frakkinn Jonathan Tehoue kvartaði yfir stjóranum og í fyrstu sagði félagið að það stæði með Di Canio og ásakanirnar væru rugl.

Í bréfi til lögmanna leikmannsins segir félagið aftur á móti að það sætti sig ekki við orðin sem Di Canio lét falla í garð leikmannsins. Það biður leikmanninn þess utan afsökunar en BBC hefur afrit af bréfinu.

Enska knattspyrnusambandið er að rannsaka málið og Di Canio gæti því enn fengið refsingu.