Hernandez spilar ekki með Mexíkó á ÓL í sumar

Manchester United hefur náð samkomulagi við knattspyrnusamband Mexíkó um að hvíla framherjann Javier Hernandez í sumar. Hann mun því ekki spila með Mexíkó á Ólympíuleikunum í sumar.

Hernandez hefur þurft að spila síðustu tvö sumur og það hefur tekið sinn toll á honum. Sir Alex Ferguson, stjóra Man. Utd, fannst því nauðsynlegt að hann fengi að hvíla í sumar.

Hernandez átti að vera í liði Mexíkó á Ólympíuleikunum og var einnig talið líklegt að hann yrði fánaberi þjóðarinnar á leikunum.

"Þessi vetur var ekki eins og góður og síðasti enda var hann þreyttur. Það verður gott fyrir hann að fá smá frí," sagði Ferguson.