Kjúklingabændurnir ætla ekki að selja Blackburn

Það hefur ekkert gengið hjá Blackburn síðan indversku kjúklingabændurnir í Venky's keyptu félagið. Botninum hefur verið náð í bili þar sem félagið er fallið úr ensku úrvalsdeildinni.

Það var alls ekki á plönum eigendanna sem ætluðu sér að gera Blackburn að stórveldi. Það hefur mistekist hrapallega.

Eigendurnir eru þó ekki af baki dottnir og segja það ekki koma til greina að selja. Þeir eigi sér langtímamarkið með félagið.

Það eru ekki góð tíðindi fyrir stuðningsmenn félagsins sem vilja ekki sjá Indverjana og eyða nær öllum sínum kröftum í að mótmæla veru þeirra.